Gant broioù all Bro C’hall (e Strasbourg, Baiona, Montpellier, Aiacciu, Metz...) ha gant skoazell Rouedad Europa evit Ingalded ar Yezhoù (ELEN) bodet e Bukarest ( testenn stag) e vo dalc’het manifestadegoù bras disadorn 24 a viz Here evit anaoudegezh ofisiel hor yezhoù hor sevenadurioù, hon tiriadoù hag an doujañs d’al liested sevenadurel.
E Breizh e vo manifestet e Karaez (14eur) da geñver Festival al levrioù e Breizh gouestlet d’ar brezhoneg er bloaz-mañ. Ret eo deomp bezañ an niverusañ posupl evit bezañ klevet. Neuze a-bouez-tre eo da c’hervel ho izili hag ho mignoned da zont da vanifestiñ ha da skignañ ar gemenadenn “Manifestadeg”e pezh-stag e-barzh ho rouedadoù. Ar strollad Brendan-Brieg Gerveno a zigoro ar vanifestadeg. Ul leurenn zigor a vo adalek fin ar vanifestadeg e-kichen leurenn Glenmor.
KENDIVIZ: D’ar Gwener 23 a viz Here da 19 eur e c’hoariva Max Jacob Kemper, deuit niverus ivez d’ar c’hendiviz diwar-benn ar bolitikerezh da gas war-raok evit yezhoù ha sevenadur Breizh, an adunvaniñ, da geñver ar votadeg rannvro.
Evit gouzout hiroc’h : www.deompdei.bzh