TI AR MEDISIN gant strollad AR VRO BAGAN,
Ar Sul 14 a viz Du, en Trimaran, e Loperc’hed.
Ar Sul 14 a viz Du, da 3 eur, Gorre ha Goueled a ginnig deoc’h un abadenn gant strollad AR VRO BAGAN, eus Plougerne.
Ar pezh c’hoari, farsus, leun a startijenn “TI AR MEDISIN” a ziskouez ar re glañv o varbilhat, en ur c’hortoz o zro, e sal gortoz ar medisin Gwion Berrou. Ur medisin kozh war e leve, mignon da V/Berrou, zo deuet ivez da glask louzoù.
Kuitaet en deus e vicher ur pennadig zo evit ober war-dro ur strollad c’hoariva. An daou vignon a gomz eus doareoù nevez ar vicher medisin hag eus ar pezhioù c’hoari o deus kemeret perzh enno, o kontañ diwarbenn ar c’hleñvejoù hag ar vedisined : fablennoù ar grennamzer, “an den klañv faltaziek”, “Dr knock”, “kleñved an Togn” (Jarl Priel, 1950).
Ar pezh c’hoari a zo penn da benn e brezhoneg, met an holl a c’hell kompren dre vras, gant c’hoari ampart komedianed ar Vro Bagan.
PRIZIOÙ :
- 13 € da zeiz an abadenn ;
- 11 € en ur virout ho plas a-raok ;
- 10 € (tud dilabour, studierien) ;
- 5 € (bugale etre 12 ha 15 bloaz ,
- digoust evit ar re yaouankoc’h).
Ret eo kaout ur pass yec’hedel (evel-just).
Evit mirout ho plas :
- postel da ghg gorrehagoueled.bzh
- pe dre bellgomz 07 82 99 97 80 (leuskit ho kemenadenn war ar responter evit bezañ adgalvet).
